Президент Сооронбай Жээнбеков Талас облусуна иш сапар менен барды. Бул тууралуу өлкө башчынын маалымат кызматынан кабарлашты.
Маалыматка ылайык, сапар жүрүшүндө Жээнбеков облустун Талас, Бакай-Ата, Кара-Буура жана Манас райондоруна барат.
Бакай-Атадагы Ак-Дөбө айылындагы төө буурчакты кайра иштетүү заводунун ачылышына катышууда. Аталган завод төө буурчакты тазалап, иргеп, сатууга даярдайт.
Муну менен катар Казакстан менен чек арадагы «Чоң-Капка » көзөмөл өткөрүү пунктунун иштери менен таанышары айтылды.(BkA/AlS)