Мәжіліс "Қазақстан Республикасы азаматтарының төлем қабілетін қалпына келтіру және банкроттық туралы" заң жобасын қарайды, - деп хабарлайды Tengrinews.kz тілшісі.
Мәжілістің Қаржы және бюджет комитетінің төрағасы Марат Құсайынов заң жобасын қарау неге ұсынылып отырғанын түсіндірді.
"Бұл заң жобасының мақсаты - Қазақстан азаматтарының төлем қабілетсіздігіне байланысты мәселені шешуге бағытталған қазіргі заманғы төлем қабілетін қалпына келтіру институтын құру. Атап айтқанда, борышкерлерге соттан тыс банкроттық, төлем қабілетін қалпына келтіру және сот банкроттығы рәсімдері көзделген. Сонымен қатар, жауапкершілікті белгілеу де қарастырылып жатыр", - деді Құсайынов.
Қаржы және бюджет комитеті заң жобасын 2023 жылдың 26 сәуіріне дейін қарап, қорытынды әзірлеуге дайын. Еске салайық, бұған дейін Қаржы министрлігі азаматтардың банкроттығы туралы заң жобасы мен оған қатысты заң жобаларын әзірлеуді аяқтағаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
