რუსეთის მიერ ზაპოროჟიეს ცენტრზე განხორციელებული იერიშის შედეგად დაღუპულთა რიცხვი ცხრამდე გაიზარდა. ამის შესახებ ოლქის სამხედრო ადმინისტრაციის ხელმძღვანელმა ივან ფიოდოროვმა განაცხადა.
"ექიმების ძალისხმევის მიუხედავად, საავადმყოფოში კიდევ ერთი დაჭრილი გარდაიცვალა", - დაწერა ფიოდოროვმა ტელეგრამში.
10 დეკემბერს, დაახლოებით 15:00 საათზე, რუსეთის არმიამ სარაკეტო შეტევა განახორციელა ზაპოროჟიეს ცენტრში. გენერალური პროკურატურის ინფორმაციით, დარტყმის შედეგად განადგურდა კერძო კლინიკის შენობა და მის გვერდით მდებარე კაფე, აფეთქების ტალღამ და ნამსხვრევებმა დააზიანა მრავალსართულიანი საცხოვრებელი კორპუსები და ადგილობრივი მოსახლეობის ავტომობილები.
11 დეკემბერს ზაპოროჟიეს რაიონში გლოვა გამოცხადდა.
6 დეკემბერს ზაპოროჟიეზე რუსეთის იერიშის შედეგად 10 ადამიანი დაიღუპა. დაიჭრა 26 ადამიანი, მათ შორის სამი ბავშვი, რომელთაგან ერთ-ერთი სამი თვისაა.
რუსეთის თავდაცვის სამინისტროს 10 დეკემბრის იერიშზე კომენტარი არ გაუკეთებია. მოსკოვი უარყოფს უკრაინის სამოქალაქო ობიექტებზე თავდასხმებს.
