11 ივლისს ათასობით ბოსნიელმა მიაგო პატივი 19995 წლის ომის დროს სრებრენიცაში მოწყობილი ხოცვა-ჟლეტვის დროს დაღუპულთა ხსოვნას.
მეორე მსოფლიო ომის შემდეგ ერთადერთ გენოციდად აღიარებული მასობრივი მკვლელობის დროს, ბოსნიელ სერბთა შეიარაღებულმა ძალებმა ბოსნიის ქალაქ სრებრენიცაში 8000-მდე მუსლიმი მამაკაცი და ბიჭი დახოცეს.
ხსოვნის ცერემონიის პარალელურად, ცოტა ხნის წინ ახლადამოცნობილი 19 ახალი მსხვერპლის ცხედარი მიაბარეს მიწას სრებრენიცაში პოტოჩარის საძმო სასაფლაოზე.
ბოსნიელი სერბების ძალებმა გენერალ რატკო მლადიჩის ხელმძღვანელობით 1995 წლის ივლისში დაიკავეს გაეროს მიერ დაცული მუსლიმთა ანკლავი სრებრენიცა.
რამდენიმე დღის განმავლობაში დახოცეს 8000-მდე ადამიანი.
ყოფილი იუგოსლავიის ომის დანაშაულთა გაეროს ტრიბუნალმა 2017 წელს გენერალი მლადიჩი დამნაშავედ ცნო გენოციდსა და კაცობრიობის წინააღმდეგ ჩადენილ დანაშაულებში, სრებრენიცის ჩათვლით და მას სამუდამო პატიმრობა მიუსაჯა.
