უზბეკეთის კომუნიკაციების მარეგულირებელმა ორგანომ შეზღუდა წვდომა სოციალური მედიის რამდენიმე საიტთან, პირადი ინფორმაციის კანონების დარღვევის გამო.
უწყება ოზკომნაზორატმა ეს შეზღუდვები 2 ივლისს გამოაცხადა, ისე, რომ არ დაუკონკრეტებია რომელ სოციალურ მედიას შეეხება ეს ბრძანება. თუმცა მოსახლეობა იუწყება, რომ წვდომა გართულდა ტვიტერთან, ტიკტოკტთან, ვკონტაქტესთან და სკაიპთან, და რომ ეს საიტები შეფერხებით, ნელა მუშაობს.
ოზკომნაზორატი აცხადებს, რომ სოციალური მედიის საიტებმა დაარღვიეს აპრილის შემდეგ შემოღებული კანონი პირადი მონაცემების შესახებ, რომელიც საინტერნეტო კომპანიებისგან მოითხოვს უზბეკი მომხმარებლების მონაცემების ქვეყანაში მოქმედ სერვერებზე შენახვას.
ინფორმაციის ამ ახალი შეზღუდვის ფონია ამ ავტორიტარულ ქვეყანაში ოქტომბერში დანიშნული საპრეზიდენტო არჩევნები, რომელშიც, გავრცელებული მოლოდინით, კიდევ ერთი ვადით გაიმარჯვებს პრეზიდენტი შავკატ მირზოევი. არჩევნების წინ მთავრობა ინტერნეტისთვის დაწესებულ წესებს ამკაცრებს და ზრდის ზეწოლას ჟურნალისტებზე და ბლოგერებზე.
