ტელეკომპანია რუსთავი 2-ის გენერალური დირექტორი პაატა სალია განცხადებას ტელეკომპანიიდან ჟურნალისტების წასვლის შესახებ, სავარაუდოდ, 21 საათისთვის გააკეთებს.
ამის შესახებ მან ჟურნალისტებს, სატელეფონო საუბრისას უთხრა.
21 აგვისტოს ტელეკომპანია საინფორმაციო გადაცემა „კურიერის“ ძირითადმა გუნდმა დატოვა. რუსთავი 2-ის ეთერში 21 აგვისტოს არცერთი საინფორმაციო გამოშვება არ გასულა.
20 აგვისტოს რუსთავის 2-ის გენერალურმა დირექტორმა პაატა სალიამ ტელეკომპანიიდან გაათავისუფლა რამდენიმე ჟურნალისტი. მათ შორის, საინფორმაციო გამოშვების ხელმღვანელი ნოდარ მელაძე. შვებულებიდან დაბრუნების შემდეგ კი გათავისუფლდებიან საზოგადოებრივი და პოლიტიკური ტოქ-შოუს მთავარი პროდიუსერი გიორგი ლაფერაშვილი; პოლიტიკური გადაცემების წამყვანი გიორგი გაბუნია და ეკა კვესიტაძე და ასევე „ნანუკას შოუს“ წამყვანი, ნანუკა ჟორჟოლიანი. მათი გათავისუფლების მიზეზად "ინტერესთა კონფლიქტი" დასახელდა.
20 აგვისტოს, პირდაპირ ეთერში, პროტესტის ნიშნად დატოვეს არხი მთავარი საინფორმაციო გამოშვების წამყვანებმა დიანა ჯოჯუამ და მიხეილ სესიაშვილმა.
რუსთავი 2-ზე 21 აგვისტოს არ გასულა არცერთი საინფორმაციო გამოშვება. არხზე ამ დრომდე არ გასულა არცერთი საინფორმაციო გამოშვება.
