პარლამენტის შენობის წინ აქცია-კონცერტი - „არა ოკუპაციას“ - მიმდინარეობს. რუსთაველის გამზირი გადაიკეტა და საავტომობილო მოძრაობა შეწყდა.
კონცერტში მონაწილეობენ სხვადასხვა თაობის მომღერლები და მუსიკოსები. წინასწარი ინფორმაციით, სცენაზე გამოვა 20 შემსრულებელი და ბენდი.
როგორც მუსიკოსმა და შემსრულებელმა, ნიკა კოჩაროვმა უთხრა რადიო თავისუფლებას, „მუსიკა ხელოვნების ის დარგია, რომელმაც არაერთი რევოლუცია შექმნა“ და „ხანდახან ამა თუ იმ ძალის უსამართლობა ისეთ პიკს აღწევს, რომ საჭიროა ხოლმე გარეთ გამოსვლა“.
კონცერტზე გამომსვლელთა შორის არიან: KayaKata, სოფო ბათილაშვილი, ნიკა კოჩაროვი, ერეკლე დეისაძე, მწვანე ოთახი, მარტივი გამოსავალი, ჯგუფი არა, რობი კუხიანიძე, მაია დარსმელიძე, გია თოიძე, გიორგი უშიკიშვილი, თამრიკო ჭოხონელიძე, ანიტა რაჭველიშვილი, თერიკა და დასავლელი, Kung Fu Junkie, Bedford Falls, Mellow, LOUDspeakers, Killages, The BearFox, Four Dimensional Monster Lobsters, Killages და სხვები.
4 ივლისის აქციაზე მუსიკოსები და აქციის ორგანიზატორები აქციის მონაწილეებს ხანმოკლე სიტყვით მიმართავენ. შაბათს, 6 ივლისს, აქციის ორგანიზატორები მასშტაბურ მსვლელობას გეგმავენ.