ბერძნულ-რომაული სტილით მოჭიდავე ზვიად პატარიძე მსოფლიო ჭიდაობის გაერთიანებამ 23-წლამდელ სპორტსმენთა შორის 2018 წლის საუკეთესო ათლეტად დაასახელა. ქართველმა მძიმეწონოსანმა ამ ასაკობრივ ჯგუფში წლეულს ევროპის და მსოფლიოს ჩემპიონატებზე იჭიდავა და ორივეგან ოქროს მედალი მოიპოვა.
23-წლამდელებში მსოფლიოს 2018 წლის საუკეთესო ქალ მოჭიდავედ იაპონელი რისაკო კავაი გამოცხადდა.
ზვიად პატარიძე მსოფლიოს ასაკობრივი პირველობების ექვსგზის ჩემპიონია. ორჯერ კვარცხლბეკის უმაღლეს საფეხურზე ჭაბუკებს შორის კონკურენციაში ავიდა, სამჯერ ახალგაზრდებში, ერთხელაც 23-წლამდელებში.
