ავღანეთის ოფიციალურ პირთა თანახმად, თალიბანის ორ ფრაქციას შორის დაპირისპირებისას ათეულობით მებრძოლი დაიხოცა ქვეყნის დასავლეთში. ჰერათის მთავრობის წარმომადგენლის, ჯილანი ფარჰადის თქმით, სულ მცირე, 28 თალიბი იქნა მოკლული და 25 დაჭრილი შინდადნდის რაიონში შეტაკებისას 30 ნოემბერს. ჰექმათულა ჰექმათმა, რომელიც რაიონს განაგებს, განაცხადა, რომ შეტაკება მოხდა თალიბანის ლიდერის, მოლა ჰაიბათულა ახუნდზადას მომხრეებსა და მოლა რასულის მიმდევრებს შორის. რასულის ფრაქცია თალიბანის მთავარ რაზმებთან ბრძოლას აწარმოებს 2015 წლიდან. გავრცელებულია ვარაუდი, რომ რასულს იარაღის აწვდის ავღანეთის დაზვერვა, რათა განხეთქილება შეიტანოს თალიბანის რიგებში.
