სირიას ეწვია აფხაზეთის თვითგამოცხადებული რესპუბლიკის დელეგაცია დე-ფაქტო ლიდერის, რაულ ხაჯიმბას ხელმძღვანელობით. ვიზიტის შესახებ ცნობას ავრცელებს სააგენტო „აფსნიპრესი“ ხაჯიმბას პრესმდივნის, ნაალ ავიძბას განცხადებაზე დაყრდნობით. აფხაზების დლეგაციას აეროპორტში დახვდა სირიის საგარეო საქმეთა მინისტრი ვალიდ ალ-მუალემი. ვიზიტის დროს დაგეგმილია აფხაზეთის დე ფაქტო ლიდერთან სირიის პრეზიდენტის, ბაშარ ალ-ასადის შეხვედრა, რომლის დროსაც იმსჯელებენ „ორმხრივი ურთიერთობის პერსპექტივასა და აფხაზეთ-სირიის ურთიერთობის განვითარების საკითხებზე“. დაგეგმილია აგრეთვე მეგობრობისა და თანამშრომლობის შესახებ ხელშეკრულებისა და სხვა დოკუმენტების ხელმოწერა. სირიამ 2018 წლის მაისში დამოუკიდებელ რესპუბლიკებად აღიარასაქართველოში რუსეთის მიერ ოკუპირებული ორივე რეგიონი, აფხაზეთი და სამხრეთი ოსეთი.