Բրյուսելում ԵՄ գագաթնաժողովի մասնակիցները չեն կարողացել վերջնական համաձայնության գալ Եվրամիության նոր ղեկավարության, այդ թվում Եվրոպական հանձնաժողովի նախագահի նշանակման շուրջ. այս պաշտոնին երկրորդ ժամկետի համար հավակնում է Ուրսուլ ֆոն դեր Լեյենը: Այս մասին լույս հունիսի 18-ի գիշերը հայտարարել է Եվրոպական խորհրդի նախագահ Շառլ Միշելը։
Դիվանագետների շրջանում dpa գործակալության աղբյուրների համաձայն, անհամաձայնության պատճառներից մեկն այն էր, որ աջ կենտրոնամետ Եվրոպական ժողովրդական կուսակցության (ԵԺԿ) ներկայացուցիչները, որոնք ներառում են Գերմանիայի Քրիստոնեա-դեմոկրատական միությունը (CDU) և Քրիստոնեա-սոցիալական միությունը (CSU) ցանկանում էր ապահովել, որ Եվրոպական խորհրդի նախագահի պաշտոնում նշանակումը միանգամից հինգ տարի չֆիքսվի։ Սա կնշանակեր, որ տեսականորեն ԵԺԿ-ն կարող է այդ պաշտոնին հավակնել երկուսուկես տարուց։ Սոցիալ-դեմոկրատները, սակայն, համաձայն չեն եղել այս առաջարկի հետ։
Հունիսի սկզբին կայացած Եվրախորհրդարանի ընտրություններում ԵԺԿ-ն դարձել է ամենաուժեղ քաղաքական ուժը։ Հետևաբար հավանական էր համարվել, որ նրա առաջատար թեկնածուն՝ Ուրսուլա ֆոն դեր Լեյենը, կարող է մնալ ԵՄ հանձնաժողովի նախագահի պաշտոնում ևս հինգ տարի:
ԵՄ երկրների և կառավարությունների ղեկավարների հաջորդ հանդիպումը կկայանա հաջորդ շաբաթվա վերջին։ Կրկին կքննարկվեն Եվրամիության բարձրագույն պաշտոնների թեկնածուները.