Բելառուսի նախագահ Ալեքսանդր Լուկաշենկոն խոստովանել է, որ շատ է սիրում բնությունը, և կատակով նշել է՝ եթե ապրեր Արևմուտքում՝ կարող էր գլխավորել Կանաչների կուսակցությունը, գրում է ria.ru-ն։
Լուկաշենկոն նման միտք է արտահայտել այսօր Մինսկում «Կուրչատովի ինստիտուտ» ազգային հետազոտական կենտրոնի նախագահ Միխայիլ Կովալչուկի հետ հանդիպման ժամանակ։
«Ինձ ասում են՝ Լուկաշենկոն պատմաբան է, գյուղատնտես և այլն։ Ես ո՛չ մեկն եմ, ո՛չ էլ մյուսը։ Ես բնության մոլի երկրպագու եմ։ Եթե պետք լիներ ինչ-որ կուսակցություն գլխավորել Արևմուտքում, Ռուսաստանում կամ մեզ մոտ, դա կլիներ Կանաչների կուսակցությունը։ Ամենայն անկեղծությամբ եմ ասում, կցանկանայի գլխավորել մի կուսանկցություն, որը կպաշտպաներ բնությունը»,- Կովալչուկի հետ զրույցի ընթացքում կատակել է Բելառուսի առաջնորդը։