ԱՄՆ-ում կորոնավիրուսով վարակումների դեպքերի թիվը գերազանցել է 30 միլիոնը: Այս մասին հայտնում է RT-ն՝ հղում տալով Ջոնս Հոփքինսի համալսարանի ներկայացրած պաշտոնական տվյալները:
Նշվում է, որ այս պահի դրությամբ երկրում գրանցված է կորոնավիրուսով վարակման 30 001 245 դեպք:
Ընդհանուր առմամբ երկրում մահացել է 545 053 պացիենտ:
Ավելի վաղ հայտնել էինք, որ կորոնավիրուսի բրիտանական (VOC 202012/01) շտամը, որն առանձնանում էր առավել արագ տարածվելու հատկությամբ, վերջին մեկ շաբաթում հայտնաբերվել է ևս 7 երկրում, իսկ նման երկրների ընդհանուր թիվը հասել է 125-ի:
Ինչպես հայտնում է «ՏԱՍՍ» գործակալությունը՝ հղում անելով Առողջապահության համաշխարհային կազմակերպությանը, տարածում են գտել նաև կորոնավիրուսի հարավաֆրիկյան (501Y.V2) և բրազիլական (P.1) շտամները: Վերջին 7 օրում ՀԱՀ-ում առաջին անգամ հայտնաբերված տեսակով վարակման դեպքեր են արձանագրվել 11 այլ երկրներում (ընդհանուր առամամբ՝ 75), իսկ բրազիլականով վարակման դեպքեր՝ ևս 3 երկրում (ընդհանուր առամամբ՝ 41):
ԱՀԿ-ի ամենշաբաթյա համաճարակաբանական տեղեկագրում նշվում է, որ 125 երկրում հայտնաբերված բրիտանական շտամն ունակ է տարածվել 41 տոկոսով ավելի արագ, քան վիրուսի նախնական տարբերակը:
