Իրանի Իսլամական հեղափոխության առաջնորդ, այաթոլլա Սեյեդ Ալի Խամենեին իրանական Նոր տարվա առթիվ հանդես է եկել ժողովրդին ուղղված ելույթով՝ կարևորելով երկրի ունեցած հաջողությունը թշնամու առավելագույն ճնշման քաղաքականությունը տապալելու հարցում, այն էլ համավարակի պայմաններում:
Ինչպես փոխանցում է «Թանսիմ» գործակալությունը, այաթոլլա Խամենեին շաբաթ ելույթ է ունեցել տեղի հեռուստատեսությամբ՝ ընդգծելով ժողովրդի ազգային հաղթանակը թշնամուն դիմագրավելու գործում: Հոգևոր առաջնորդը որպես նոր տարվա կարգախոս ընտրել է «արտադրություն. աջակցություն և խոչընդոտների հաղթահարում» արտահայտությունը:
«Ցանկանում եմ շնորհավորել բոլորիդ, իմ սիրելի հանրանակիցներ, հատկապես նահատակների ընտանիքներին կամ պատերազմի վետերաներին՝ 1400 թվականի տարեմուտի առթիվ: 1939 թվականն, ընդհանուր առմամբ, այնպիսի տարի էր, երբ իրանցի ժողովուրդը ցույց տվեց իր հնարավորությունները, այդ թվում՝ կորոնավիրուսի դեմ պայքարում: Մեր ժողովուրդը՝ բուժանձնակազմից մինչև գիտնականներ և հասարակ ժողովուրդ, մեծ ունակություններն է դրսևորել կորոնավիրուսի դեմ պայքարում՝ չնայած թշնամու «առավելագույն ճնշմանը»: Չնայած թշնամու պատժամիջոցներին և հաշվի առնելով, որ արտասահմանյան ռեսուրսների հասանելիությունն արգելափակված էր, մեր ազգը, գիտնականները, բժիշկները և բուժքույրերը իսկապես հաջողացրել են մեծ փորձ են ձեռք բերել և մեծ սխրանք կատարել»,- ասել է Իրանի հոգևոր առաջնորդը:
