Մադրիդի «Ռեալի» գլխավոր մարզիչ Զինեդին Զիդանը մեկնաբանել է իսպանական Լա Լիգայի 26-րդ տուրի «Ատլետիկոյի» հետ խաղի արդյունքը (1:1):
«Ես չեմ պատրաստվում խառնվել մրցավարների աշխատանքին: Մենք գիտենք, որ սա քրտնաջան աշխատանք է: Պետք է հարգել նրանց որոշումները և վերջ: Ձեռքով խաղի կանոնների չափանիշները բարդ են, պետք չէ մանրամասնել: Սա արբիտրի պատասխանատվությունն է:
«Ատլետիկոն» դարձավ հանդիպման առաջին կեսի հերոսը, մենք ունեցանք լավ երկրորդ խաղակես: Մեր նպատակն է շարունակել աշխատել: Մենք գիտենք, որ դեռ շատ հանդիպումներ են մնացել, և տիտղոսի համար պայքարելու ենք մինչև վերջ: Ամեն ինչ միշտ կարող է փոխվել», – մեջբերում է Զիդանին Marca-ն։
«Աթլետիկոն» 25 խաղից հետո ունի 59 միավոր և Իսպանիայի առաջնության մրցաշարային աղյուսակում զբաղեցնում է առաջին տեղը: Մադրիդի «Ռեալը» (54) երրորդ տեղում է:
