Սա մեր հանրապետության ամենախեղճ նախարարություն է. այս մասին «Հայրենիքի փրկություն շարժման» երթի ժամանակ ասաց ՀՅԴ անդամ Գեղամ Մանուկյանը, երբ հասել էին ԱԳՆ շենքի առջև:
Երթի մասնակիցները, քայելելով Երևանի փողոցներով, կանգ էին առնում տարբեր պետական գերատեսչությունների մոտ։
«Խեղճ եմ ասում, մեղկ եմ ասում, որովհետև նրանք կատարում են խելագար և անիմաստ հանձնարարականներ: Այստեղ է տեղակայված Արտաքին գործերի նախարարությունը, խեղճ ու կրակ դիվանագետներ, որովհետև վարչապետի աթոռը զբաղեցնողի դավաճանության, խելագարության, անպատասխանատվության պատճառով ամեն օր խայտառակվում են:
Նրանք կմնան խեղճ ու կրակ, նրանք կմնան ստրուկ, քանի դեռ համբերատար կատարում են խելագարի հանձնարարությունները, քանի դեռ հլու հնազանդ ստրուկ են և շարունակելու են կաբինետների հատակը մաշեցնել, սպասել` քարտի վրա փողը երբ կնստի»,- ասաց Մանուկյանը:
Նրա խոսքով, հարամ է այդ փողը, որովհետև եթե այդ շենքում նստած պաշտոնյանները շարունակում են մնալ հլու հնազանդ, ուրեմն հարամ է և արժանի չեն ո՛չ պաշտոնի, ո՛չ այս երկրում ապրելու:
«Այդ շենքում նստածներից շատերդ «չուլ եք դառել», որ Ամերիկայի պետքարտուղարը, ձեր նախարարին, իմ ուսանողական ընկերոջը, մարդու տեղ չի դնում: Երկրի վարկը հասցրել եք պլենդուզից ցածր, ինչքան համբերենք, քիչ մնաց, կամ խելքի եք գալու, կամ վերջում գլուխներդ կախ եք քայլելու քաղաքում, մտածեք»,- ասաց Գեղամ Մանուկյանը։
