Երեկ՝ հուլիսի 10-ին, ավտովթար է տեղի ունեցել Արարատի մարզում։ Ժամը 21։20-ի սահմաններում Այգեզարդ գյուղի բնակիչ՝ 31-ամյա Արմեն Դ-ն Այգեզարդ գյուղի Ղարիբյան փողոցի 12 տան դիմաց իր վարած ՎԱԶ 2101 մակնիշի ավտոմեքենայով բախվել է նույն գյուղի բնակիչ՝ 47-ամյա Թորգոմ Մ-ին պատկանող կայանված BMW մակնիշի ավտոմեքենային, որն էլ, առաջ ընթանալով, բախվել է նույն գյուղի բնակիչ՝ 25-ամյա Գոռ …
Երեկ՝ հուլիսի 10-ին, ավտովթար է տեղի ունեցել Արարատի մարզում։ Ժամը 21։20-ի սահմաններում Այգեզարդ գյուղի բնակիչ՝ 31-ամյա Արմեն Դ-ն Այգեզարդ գյուղի Ղարիբյան փողոցի 12 տան դիմաց իր վարած ՎԱԶ 2101 մակնիշի ավտոմեքենայով բախվել է նույն գյուղի բնակիչ՝ 47-ամյա Թորգոմ Մ-ին պատկանող կայանված BMW մակնիշի ավտոմեքենային, որն էլ, առաջ ընթանալով, բախվել է նույն գյուղի բնակիչ՝ 25-ամյա Գոռ Մ-ին պատկանող կայանված ՎԱԶ 211440 մակնիշի ավտոմեքենային։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Արմեն Դ-ն մարմնական վնասվածքներով տեղափոխվել է «Արտաշատ» բժշկական կենտրոն։
Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Կարապետ Հարությունյանի գլխավորությամբ։
Տեղում հետաքննչական աշխատանքները ղեկավարել է նույն վաշտի հետաքննիչ Գևորգ Պողոսյանը, ում կողմից փաստի առթիվ նյութեր են նախապատրաստվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: