Гуьржийчохь дIадирзина меттигерчу харжамашкахь кхажтасар – харжамийн каппаш дIачIаьгIна 20 сахьт даьлча. Коьртачу харжамийн комиссино официалан жамIаш зорбане дахале, яккхийн телекомпанеш тIаьхьакхиа гIерташ ю харжамийн жамIаш муха ду бохучунна, экзитполийн жамIашца – кхаж тесна арабовлучу харжамхошка хаттарш дина хIоттийна терахьаш, хаам бо "Новости-Грузия" сайто. Свобода Радионо бинчу хаамца, Iедалехьа йолчу "Имеди" телекомпанино бинчу талламца, Iедалехь йолу "Гуьржийн сатийсам" парти хьалхаяьлла йоьдуш ю. Читать дальше...
Москван малхбалехь хиллачу "Черкизовский" базаран долахо хиллачу бизнесхочо Исмаилов Тельмана политикан тховкIело ехна Черногорехь (Монтенегро). Цунах лаьцна хаам бо Настоящее Время телеканала, меттигерчу Vijesti газетана тIе а тевжаш. Исмаилов дIалацарх лаьцна хиира ГIадужу-беттан 1-чу дийнахь. Свобода Радионо яздарехь, иза лаьцна Оьрсийчоьнан дехарца. Исмаилов махкахо ву Оьрсийчоьнан а, Черногорин а. Хьалхо иза дуьненаюкъарчу лахаме веллера. Москварчу Басманан кхело, дуьхьал а воцуш, лаца сацам бинера бизнесхо 2017-чу шарахь. Читать дальше...
Меттигерчу Iедалан дакъошка харжамаш бу дIабоьлхуш Гуьржийчохь. Бахархоша хоржуш ву 64 мэр а, 2068 гIалийн а, муниципалитетийн а гуламийн декъашхо. Масала, мэр хоржуш толам боккхур бу 50% сов кхаьжнаш гулдинчу кандидата. Кхажтасаран меттигаш дIакъовлур ю меттигерчу хенаца 20:00 сахьт даьлча. Харжамийн кьупан комисси декхарелахь ю, кхажтасарх лаьцна протокол хIоттийначул тIаьхьа, хьем ца беш, шен болчу техникан аьттонех пайда оьцуш, сурт а даьккхина, протоколан суьртан копи Коьртачу харжамийн комиссе дIахьажо. Читать дальше...
Оьрсийчоьнан бизнесхочо Тиньков Олега америкахойн кхелахь бехк тIелаьцна, шега Американ Цхьаьнатоьхначу Штатийн ял яларан низам дохийна аьлла кховдийначу бехкашкахула, цхьа де хьалха ша бехке вац, бохуш дIахьедарш динехь а, хаам бо Свобода Радионо. Американ Цхьаьнатоьхначу Штатийн финансийн министраллица бинчу бартаца а догIуш, иза декхарелахь ву дIадала 506 миллион доллар. И бартбар тIечIагIбан безаш бу кхело, шен сцам цо бовзуьйтур бу ГIадужу-беттан 29-чу дийнахь. Ял яларан декларацин 2 пункт йохорна цунна хан тоха мегаш яра 6 шаре кхаччал... Читать дальше...
Нохчийчоьнна коьртехь волчу Кадыров Рамзана ша тешна хиларх лаьцна дIахьедина, республика Оьрсийчоьнан субъект юьсур хиларх, нагахь шаьшшина даржера дIавалахь пачхьалкхан президент Путин я иза ша, хаам бо РИА "Новости" агенталло. Кавказ.Реалиино дийцарехь, социалан машанашкахь болчу цуьнан агIонашка язбеллачара хаьттина Кадыровга, Нохчийчоь дIакъаьcтар ю аьлла хетий хьуна Оьрсийчоьнах аьлла, нагахь Путин дIаводахь. "Я Путина а, я Кадыровс ца бина сацам республика Оьрсийчоьнна юкъахь хила еза аьлла. Читать дальше...
Украинин президент Зеленский Владимир саготта ву Гуьржийчохь хилла президент Саакашвили Михаил дIалацарна, хаам бо Свобода Радионо. Иштта дIахьедар дина Украинин президентан зорбан-секртетара Никифоров Сергейс. "Украино кхайкхам бо гуьржийн агIоне украинахойн махкахочунна дуьхьал цу тайпа гIулч яккхар муха хилла а, бахьанаш хIун дара а бохучух кхетор", - хаам бина Никифоровс. Шен рогIерчу Facebook-рчу кхайкхамехь Саакашвилис хаам бина, Украинин депутатаца Ясько Елизаветица шен йолчу юкъаметтигех лаьцна. Читать дальше...
