Ростов гIаларчу тIеман кхело колонехь даккха 25 шо хан кхайкхийна Нохчийчуьрчу вахархочунна Тосуев Махьарбина. 2002-чу шарахь милцойн машенна тIелатар деш дакъалацарна бехкевина иза. Шега кхийдийна бехкаш тIе ца дитина Тосуевс
Болх ца хиларна пособеш яла деза нах дукха хиларехула хьалхара меттиг яьккхина Нохчийчоьно. Верриг а белхазалла бахьана долуш ахча оьцуш ву республикехь 46 эзар стаг. И терахь алсам ду Москвахь долчул а, цигара бахархой Нохчийчохь болчу берриг а бахархойл а иттозза алсам белахь а.
Полисхоша ялхозза герз тоьхна заьIапхо виначу Соьлжа-ГIаларчу вахархохочо Абдулханов Ризванан бина латкъам хьокъехь бина сацам бовзийтина Европерчу адамийн бакъонашкахула йолчу кхело (ECHR). Маршо гатъеш а, адамашана тIе куьйгаш кхоьхьуш а, нийсонца кхел ярехь дозанаш детташ а Оьрсийчоьнан Iедалхоша низамаш lдохийна аьлла, тIечIагIдинчу ЕСПЧ-но Абдулхановна 40 200 евро компенсаци дIало аьлла. "Iазапашна дуьхьалояран Комитето" хаам барехь, 2009-чу шарахь дийцина Абдулхановс бакъоларъярхошна, 2006-чу... Читать дальше...
Карарчу хенахь Нохчийчоьнан куьйгаллехь волчу Кадыров Рамзана мехкан урхалхочун харжамашкахь юха а дакъалаца кехаташ чуделла. Регионерчу харжамхойн комиссин инстаграмехь бина цунах лаьцна хаам. "Хаза кхаъ шуьца бекъа сихло. Гезгамашин -беттан 19-чу дийнахь дIахьонболчу харжамашкахь шен кандидатура хьалхатеттина мехкан куьйгалхочо, Оьрсийчоьнан Турплахочо Кадыров Рамзана тахана, Товбеца-беттан 6-чохь", - аьлла яздина комиссина хьалха лаьттачу Байханов Iумара. Байначу беттан 26-чохь Кадыровс официалехь дIахьедира... Читать дальше...
Украинера араваькххина 31 шо долу Дагестанера вахархо Нурмагомедов Шемал Оьрсийчоьне дIавелла Беларусин Iедалша. Цуьнан хIусамнанас бина и хаамКавказ.Реалиига. "Байначу беттан 8-чохь Беларусера араваьлла иза, хIетахь дуьйна сайн майрчух лаьцна хууш хIума дац суна", - аьлла Нурмагомедовн хIусамнанас. Цо бахарехь, террорхошца юкъарлонаш лелийна аьлла, бехкаш дехкина цунна Оьрсийчоьно. Карарчу шеран Чиллан-баттахь дуьйна Гомелерчу (Беларуси) номер 1 йолчу СИЗО-хь латтош вара Нурмагомедов, Оьрсийчоьне экстрадици яре ладоьгIуш. Читать дальше...
Коронавирусан COVID-19 уьнах Оьрсийчохь тIаьххьарчу дийнахь-буса велла 737 пациент. Федералан оперативан штабо бина и хаам. Пандеми яьржичхьана дуьххьарлера лакхара гайтам бу хIара. Къаьсттина дукха нах белла коронавирусах тIаьххьарчу 24 сахьтехь Москвахь а, Санкт-Петербургехь а. Амма Оьрсийчоьнан яккхийчу гIаланашкахь оцу уьнах лечийн терахь лахара ду, рекорде баларш кхечу регионашкахь нисделла ду. Оперативан штабан зерашца, пандеми яьржичхьана COVID-19 вирус тIечIагIъярца велла лоруш ву 140 эзар стаг. Читать дальше...
Ростов гIаларчу Къилбан тIеман кхело колонехь даккха 25 шо хан кхайкхийна Нохчийчуьрчу вахархочунна Тосуев Махьарбина. 2002-чу шарахь милцойн машенна тIелатар дина аьлла, бехкевина иза. Талламчийн версица, 1999-чу шеран юьххьехь Нохчийчохь гIаттамхойх дIакхетта Тосуев герз тохар, лелор карадерзош Iаморашкахь а хилла, яздо "Дон 24" гIирсо, тIеман кхелана тIетевжина. Бехкбиллархоша дIахьедарца, герзашца йолчу тобанахь бакъоларъяран органийн белхахошна тIелетарш дан Iалашо лаьцна хилла Нохчийчуьрчу вахархочо. Читать дальше...
Къилбаседа Кавказерчу дарбан хIусамашкахь коронавирусах велла дийнахь-буса 47 пациент, цомгуш хилла кхин а 872. Уьнна дуьхьалоечу оперативан штабан терахьашца, Краснодар-махкахь COVID-19 цамнгарх велла 23 стаг, Ставропол-махкахь уьнах кхелхина – 7, Дагестанехь - 5, ГIебарта-Балкхаройчохь а - кхоккха, Кхарачой-Чергазийчохь а, Нохчийчохь а - кхоккха, Адыгейхь - шиъ, ГIалмакхойчохь - цхьаъ. Пандеми йолаелчхьана схьа Къилбаседа Кавказехь коронавирусах велла лору официало 11 568 стаг. Массанхьачул дукха ду дараш Краснодар-махкахь... Читать дальше...
Бакъоларъяран "Марем" тобан жигархоша кхайкхам бина Пачхьалкхан Думан депутате Пушкина Оксане, ХIинжа-ГIаларчу шелтерера лачкъийна йигинчу Нохчийчуьрчу яхархочуьнца Тарамова Хьалиматца шеца къамел дахьара аьлла. Хьалхо Пушкинас дIахьедира, Тарамоваца цхьанакхета шен лаам хиларх. "Пушкинас къамел дечу заманчохь Тарамован гергара цхьаъ чохь хиларна кхоьру со. Хецна къамел дойла хир дац йоьIан тIаккха. Интервьюна кечйина хир ю иза, шен проблемех цо дуьйцур дац. Къамел дан цхьа меттиг билгалбаккха беза. Читать дальше...
ГIебарта-Балкхаройчохь ницкъхоша вийначу Хупсергенов Хасанбин дегIа тIехь ницкъбина лараш карийна цуьнан гергарчарна. "Мемориал" (Оьрсийчоьнан Iедало арахьарчу агентийн тептара яьккхина "Мемориал", амма "Мемориал" реза ца хилла и статус тIеэца – Редакцин билгалдаккхар.) центре бинчу кхайкхамехь дина цунах лаьцна дIахьедар вийначун вашас Хупсергенов Ахьмада. Цо билгалдаккхарца, дIаволла схьавеллачу Хасанбин дегIа тIехь чевнаш яра, ток йеттийтина лараш а, йоӀзар кагйинера, ишта герзан чевнаш а цхьана яра. Читать дальше...
"Прессан маршонан мостагIийн" тептар зорбане даьккхина"Доза доцу репортераш" организацино, яздо Свобода Радион оьрсийн сервисо. Цу юкъа вахна, авторшна хетарехь, пачхьалкхехь цензура юкъа а ялош, журналисташна дуьхьал ницкъ баккха тIехьоьху 37 лидер. Ткъех шо а ду оцу тептарехь Путин Владимир а, Лукашенко Александр а хуьлу. Кху шарахь "прессан мостагIашлахь" нисвелла, Евробертан пачхьалкхана юкъабогIучу мехкан политик, Венгрин премьер-министр Орбана Виктор а. Рейтинг хIотточарна хетарехь, хIора оцу лидеран шен-шен метод ю урхалла дарехь а... Читать дальше...
Оьрсийчоьнан президента Путин Владимира тIе куьг таIийна нехан сий дойъу хаамаш кхелашка а ца довлуш дIабахарх а, и хаам баржийначу интернет-ресурсашна блок хIотторах а долчу низаманна, хаам бо Свобода Радионо. Документца а догIуш, нийса йоцу я адаман сий дойъу информаци интернетера дIаяккха езаш ю 15 де-буьйса далале, стага прокуратуре латкъам бина а, оцу хьукмато иза листина а баьллачул тIаьхьа. Нагахь прокуратуро иза бух болуш а ларахь, ткъа сий дойъу информаци дIахIоттийначу ресурса иза дIа цаяккхахь, цунна блок хIотто мегаш ю. Читать дальше...
Краснодарерчу пачхьалкхан медицинан университетехь дов иккхина, кхин къаьмнаш цадезар гойтуш, цигарчу хьехархочо, стоматолога-хирурга инстаграмехь яздинарг бахьанехь. Бусалбанаш сийсазбеш лоьро язйина комментареш дуьххьара тидамеэцнарг ю Дагестанера бакъоларъярхо, блогер Алиева Марем. Йозан скриншот а яьккхина, иза йовзийтина цо. Лоьро ша 20 шо ду боху хьоьхуш йолу, "тIаьххьарчу хенахь горгамашна юкъахьерчаделла Нохчийчуьра дукха бусалба зудабераш даьржина", яздо цо. "Ас ишттанаш деша чу а ца буьту ... Читать дальше...