ТIеман-транспортан Lockheed C-130 кема Филиппинийн къилбехь охьахаочу заманчохь доха а доьхна, даьгна, хаам бина Reuters агенталло. Кеманчохь хилла 92 стаг, къаьстина, царех велла 17 карийна хилар. "Лазийна 40 кIелхьарваьккхина, кхин дIа а нах лоьхуш, белхаш дIахьош бу", - аьлла ду пачхьалкхан тIеман министро динчу дIахьедарехь. Холо гIайритIерчу тIеман лазартне кхачийна чевнаш хилларш. Пачхьалкхан къилберчу Патикул муниципалитетан кIоштахь йолчу Сулу провинцехь хилла бу бохам. Масех чакхарма... Читать дальше...
Оьрсийчоьно йихкинчу террорхойн организацийн могIаре яьккхинчу "Талибан" радикалан исламистийн боламо шен контроле оьцучу Бадахщин провинцера юхаваьлла 300 сов овхIанхойн тIемало Таджикистанан дозане чувитина. Свобода Радион таджикийн сервисо бина цунах лаьцна хаам, дозанхойн урхалло динчу дIахьедарна тIетевжина. Цхьана кIиранчохь кхозлагIа хиллла хIума ду иза. Iедалхойн позицешна тIалибаш тIегIертачу юкъанна уьдуш бу тIемалой. ТIаьххьарчу кIиранашкахь церан аьтто хилла иттаннашкахь кIошташ шайн караерзо. Читать дальше...
Юкъарчу транспорта тIехь масканаш лелор юкъадалош ду Нохчийчохь тахана, Товбеца-беттан 4-чохь дуьйна, махкахь коронавирусан ун даржа доларна аьлла, хаам бина транспортан а, зIенийн а министралло, яздо РБК агенталло. "Масканаш йоцу пассажираш транспрта чу буьтур бац махкахь. Белхан хенахь масканаш лелор шога лардан дезар ду юкъарчу тарнспортан урхалла дечийн а", - аьлла, билгалдаьккхина ду хаамехь. ТIетаьIIина коронавирсан ун даьржаш хиларца доьзна юкъабалийна и барамаш аьлла, кхетийна министралло. Читать дальше...
Украинан малхбалехьа оьрсийн сепаратисташна а, эскархошна а дуьхьал тIемаш бина Нохчийчуьра вахархо Читаев Рамзан шайн пачхьалкхера араваккха гIоьртина Украинера миграцин хьукмат. Адамийн бакъонашкахула йолчу Украинан Хельсинкан юкъараллан (УХСПЧ) директоро Павличенко Александра бина и хаам Кавказ.Реалиига. "Цо билггал "Аьтту секторан" декъехь кхаа эвлахь тIемаш бина хиларх тоьшаллаш кхаьчна тхоьга, тхайн партнерашка дехар дина оха, цунна адвокат ло аьлла", - дийцина Павличенкос. Цо ишта билгалдаьккхина, Читаев Оьрсийчоьнан вахархо хилар а. Читать дальше...