Пандеми марсаяьллачу муьрехь лоьраш лаьттара шайн гIаролехь. Дерриг а дуьнентIера медикаш а санна, хIора дийнахь хIуьттура нохчийн лоьраш COVID-19 уьнна дуьхьал бечу тIаме – нехан могашаллин дуьхьа шайн могашалла хIиттайора цара кхерамна кIел. Де-буьйса доцуш, дарбан хIусамашкахь хьора цара хан, рагI ца лоьруш бора болх, беттанашкахь ца гора шайн гергарнаш. Цхьаберш царех, кхин цIехьа ца боьрзуш, бисира тIаьххьара а "Иэсан тептарахь". "Гипократан дуй" ца къарбеш, белхан меттигашкахь беллачу цхьаболчу лоьрех лаьцна дуьйцу Маршо Радионо. Читать дальше...
Хьекъална тIаьхьадисина бераш латточу Троицкерчу интернатехь йоIа кIентан легаш Iуьйдуш яьржийначу видеона тIехула талламаш бина хилла ГIалгIайчуьрчу прокуратурано. Цо тIечIагIдарца, ролика тIера ший а оцу хIусамехь лелош берш бу. Социалан машанашкахь интернатан белхахочо берана тIехь ницкъбина бохуш дийцар бакъ ца карийна. Талламан гурашкхаь интернат-цIийнерчу доллу берех а цхьана бина таллам, дуьйцу. "Интернатехь Iалашдечу берийн могушаллина зен дина меттигаш бац", - аьлла прокуратуран пресс-гIуллакххоша Товбеца-беттан 1-чохь. Читать дальше...
Нохчийчоьнан куьйгалхочун хьехамча волчу Турлаев ШаIин кIанта шен инстаграмерчу агIонехь видео хIоттийна, цхьана жимчу кIанта гранатомет кхусуш. Росгвардин белхахочун духарца волчу 7-8 шо долчу кIанта лаьмнашкахьа топ кхусий, "Ахмат-сила! АллахIа акбар!" олий, мохь туху. Ткъа ши де хьалха Путина низам тIеэцна, 21 шо кхачаза волчунна герз лелор доьхкуш
Краснодаран кIоштарчу Новороссийск гIалахь могIарерчу салтина Боурош Георгийна шогачу хьелашкарчу колонехь даккха бархI шо хан кхайкхийна. Бакъойоцуш наркотикан препараташ дIаэцарна бехкевина иза. Талламчийн версица, стохка ГIуран-баттахь, ша Анапехь волчу хенахь, интернетехула 0,27 грамм йолу наркотикан молха эцна хилла цо. Оццу дийнахь шеца цхьана эскаран гIуллакх дечу накъостана йоьхкина, цул тIаьхьа бакъоларъяран органийн белхахоша лаьцна иза, хаам бина Кавказ.Реалиига Къилберчу Талламан комитетан тIеман талламан урхалло. Читать дальше...
Эпидемиологин хьал телхина долчу пачхьалкхийн тептарера дIаяьккхина Австрино Оьрсийчоь, бакъо елла шайн махка бахка муьлххачу а Iалашонца. Тахана, Товбеца-беттан 1-чу дийнахь дина цунах дIахьедар Австрин арахьарчу гIуллакхийн министро Шалленберг Александра. Москварчу Австрин векалто тIечIагIдарца, оцу пачхьалкхе боьлхучарна виза йоцург оьшур ду, вакцинаци йина хиларх сертификат, COVID-19 вирус текхна аьлла тоьшалла, я ун дац аьлла, керла дIаелла тест немцойн а, ингалсан а меттанашкахь йозанца. Читать дальше...
1998-чу шарахь Къилбаседа ХIирийчоьнан вахархо лачкъийна хилла цо аьлла, гIалгIайн Троицкое эвлара 54 шо долу Кациев Юнус лаьцна шеконашца. Къилбаседа Кавказан федералан гонашкарчу чоьхьарчу гIуллакхийн министраллан коьртачу урхаллан белхахошца цхьана Къилбаседа ХIирийчуьрчу полисхоша лаьцна иза. Леринчу операцина юкъаозийна бара Росгвардин полисхой а цхьана, делахь а, ша лоцучу заманчохь дуьхьало йина яц Кациевс. Оперативан информацица, нах лечкъош, цаьргара бертаза ахчанаш дохуш лелачу регионашна... Читать дальше...
ТIаьххьарчу дийнахь-буса Къилбаседа Кавказехь коронавирусах велла 38 пациент, цомгуш хилла кхин 741. Iедалшкара болчу хаамца, Краснодар-махкахь уьнан велла 20 вахархо, Ставропол-махкахь – 6, Нохчийчохь - 3, Дагестанехь а, ГIебарта-Балкхаройчохь а, Адыгейхь а - шишша, ГIалмакхойчохь - цхьаъ. Верриг а пандемин муьрехь COVID-19 цамгарх белларш бу Къилбаседа Кавказехь 1 358 стаг, боху официало. Дийнахь-буса массанхьачул дукха ун хьакхаделла нах бу Краснодар-махкахь, лахара – Къилбаседа-ХIирийчохь. Читать дальше...
AirCar компанин Klein Vision цIе йолчу тIемайолучу машено оршотан дийнахь кхиаме некъ бина хIаваэхула шина гIалана юкъахь. Нитро гIалара тIемаяьлла, хIаваэхь 35 минот яьккхинчул тIаьхьа, 75 километр некъ а бина, кема-машен гибрид охьахиъна Словакин коьртачу гIалахь Братиславехь.
Нохчийчоьнан куьйгалхочун хьехамча волчу Турлаев ШаIин кIанта шен инстаграмерчу пена тIехь видео хIоттийна, цхьана беро танкана дуьхьал туху гранатомет кхусуш, яздо Кавказ.Реалиино. Ролика тIехь гуш ду, шен дегIа тIехь тегначу Росгвардин белхахочун духарца волчу 7-8 шо долчу кIанта лаьмнашкахьа топ кхусуш. Цул тIаьхьа граната эккхаш гойту. "Ахмат-сила! АллахIа акбар!" олий, мохь туху кIанта. Кхоссархочун некха тIерачу асана тIехь яздина ду "Межидов" аьлла. Оьрсийчоьнан Къилбаседа Кавказан гонашкарчу... Читать дальше...
Оьрсийчохь йихкинчу "Хизб ут-Тахрир аль-Ислам" террорхойн организацин хьалханча лаьцна ГIажарийчохь ницкъахоша, яздо "Новости" агенталло, ФСБ-н юкъараллашца йолчу зIенийн Центрна тIетевжина. Талламчийн версица, Татарстанан вахархочо Оьрсийчохь яржош хилла радикалан исламан идеологи, кхечу динехь болчаьрга гамо а гIаттош, ишта оцу шайн тобане ийзош хилла цо бусулбанаш. Хаамехь билгалдаккхарехь, ФСБ-н а, къоман гвардин а, полицин а белхахоша лаьцнарг вехачу меттигехь талламш бина, цуьнан чуьра дIаяьхьна пропагандан материалаш а... Читать дальше...
Югославин лерринчу сервисийн хиллачу шина куйгалхочунна хIоранна а 12 шо чувоьллина даккха хан тоьхна, хаам бо Свобода Радионо. ХIаагерчу трибунало бехк тIечIагIбеш сацам бина Югославин пачхьалкхан кхерамазаллин урхаллан директор хиллачу Станишич Йовицна а, лерринчу полицин тобан буьйранча хиллачу Симатович Франкна а дуьхьал хиллачу шолгIачу дов къасторан процессехь. Кхаарийн дийнахь, Мангал-беттан 30-хь кхело хIоранна а 12 шо чувоьллина даккха хенаш кхайкхийра цаьршинна, тIеман зуламаш а, адамаллина дуьхьал зуламаш а дарна бехке а вина. Читать дальше...
