*** Хьо-м хьаха хиллера адам. Хьо-м хьаха хиллера зуда хирг Къонахий къонахий хиллехь, Со ца тиллехь. Тилла, кху дуьненан архаша Гура а лаьцна, Ваьцча, И гур а гур ца карийра, Вацар а эрна карийра. Дахаран хиллера бегаш И Со ца кхеташ. Хьо-м хьаха хиллера адам. Хьо-м хьаха хиллера зуда хирг ХIумма а тIаьхьа ца хиллера Кху дуьненчохь. ЖовхIар дIадиллина хиллера. Карий и дIадиллинчунна ДIадиллинчохь – Дагчохь. Хьалхачул бIаьргашна гин са. ХIинца Воьлла со ирсана пис Дерриг а кху денна дитинчу... Читать дальше...
**** ХIинца яц хьо хьалха санна. Хийцаелла. Хьоьжу тIех. ХIун хили-те цу хьан дагна ТIех хьаьгнилий хиъча шех? БIаьсте хаза-м дера яра Заза Iенош, къарзбеш бай, Iамош вовшех дагадийла, Вовшийн деза Iамош вай. Шелйи ахь сан деган аре, Мархаш тIехьа саций малх, ХIинццалц чехка лелла бIаьсте Боларна а гIелйи ахь. Хила соьца хьалха санна. Сан хьал юха дерзаде. Хазде синтем боцчу дагна Беттан буьйса, маьлхан де. 1977ш.
*** Самах, гIенах езаелларг, Хьо со воцчохь ма Iа ло?! Хаза яй хьо-м, декъал хиларг, Безам хьеста хьан даго! Буьйса дийнах къаста ца луш Алу хилла сан дагах. Цо хьийзаво. Кийра моьрцу. Сох къахета. Схьаяло. Дитташа шайн дашо месаш Лестош гурахь эгайо. Винчу кIантал хьоьха хьаьгна, Сан нанас а сагатдо. Муьлур вайша лаьмнийн шовда, Летор вайша дегнех цIе, Цкъа а вовшех кхин ца довлан, ТIекхачийта ирсан де. Самах гIенах езаелларг, Хьо со воцчохь ма Iа ло?! Хаза яй хьо-м, декъал хиларг, Безам миэла хьан даго!
Лулахойн бешахь Мотталой хьуна суо веза, Елалуш аьлча ахь дош Воьрзура лулахойн бешахь Дуьтий со кийрара дог. ЦIийделла догIун и Iежаш Суна а дохура ахь. Лоькхура гIалара эшарш, Лепош малх беснешна тIехь. БIаьста а цу беша воьду. Гурахь а цигахь ву со. Зарздоьлла можа гIаш хьоьшу Я гонах кIайн заза го. Цхьаммо а со тIе ца воьху, Iежаш а ца кхийдадо. Цкъа хилларг, хуьлий, дIадоьду. Хан юха ерза ца ло. 1974 ш.
Кху деношкахь 25 шо кхечи Радуев Салманан тIемалой Кизляр чубахана; Абдурахманов Тумсона тIелатар динчунна 10 шо, цуьнан декъахочунна 8 шо хенаш тоьхна; Новосибирскехь лаьцна нохчийн криминалан авторитет Бай
UFC-н латархо Чимаев Хьамзат емалвина Швецерчу бакъоларъярхоша, Нохчийчу а вахана, мехкан куьйгалхочуьнца Кадыров Рамзанца суьрташ дахийтарна. Aftonbladet газетано бина цунах лаьцна хаам. Зорбанехь бакъоларъярхоша йитинчу комментарешца, регионехь хуьлучух жоьпалла Кадыровна тIехь ду, ЛГБТ-н векалшна тIаьхьа бовларца, нах бойъуш, царна тIехь къизаллаш лелоре кхаччалц. "Диктатура ю иза, нах Iадийна", - дIахьедина Amnesty International организацин векало Хеденборг Амис. Цунна хетарехь, Чимаевца... Читать дальше...
Кху деношкахь 25 шо кхечи нохчийн тIемалой Дагестанерчу Кизляр гIала чу а бахана, цигахь тIемаш бина. Уггар а алсам цIий Iанийначу дарех лоруш ду Нохчийчохь хьалхара тIом боьдучу хенахь дина и тIелатар.
Швецехь оппозицин блогерна Абдурахманов Тумсона вен Iалашонца тIелатар динчу Оьрсийчуьрчу бахархойн хьокъехь шаьш бина сацам бовзийтига Швецин суьдхоша. Кхеле хIоттийначу Мамаев Русланна набахтехь даккха итт шо хан кхайкхийна, ткъа цуьнан декъахочунна Шапиаева Эльмирина бархI шо. Шведахойн прокуроро Линдквист Пера бахарехь, Нохчийчоьнан хиллачу президентна Кадыров Ахьмадна йина критика бахьана долуш дина хилла блогерна тIелатар. "Талламчийн лараш Соьлж-ГIала йоьлху", - дIахьедина Линдквиста, Евле гIалахь кхелан ладегIарш доьлхучу хенахь... Читать дальше...
Эрмалойчоьнан премьер-министр Пашинян Никола Москва кхаьчна. Ломарчу Карабахехь лаьттачу хьолах дийцарш дIахьур ду цо Оьрсийчоьнан а, Азербайджанан а президенташца Путин Владимирца а, Алиев Ильхьамца а. ТАСС агенталло яздарехь, оршотан дийнахь бина и хаам Эрмалойчоьнан Оьрсийчуьрчу посоло Тоганян Вардана. Масех сахьт даьллачул тIаьхьа цхьанакхетар болуш бу уьш аьлла, Фейсбукерчу шен пена тIехь хаийтина Эрмалойчоьнан премьеран пресс-секретаро Геворкян Манес. Иштта, цо билгалдаккхарехь, къамелаш... Читать дальше...
Криминалан гонашкахь Бай цIарца дика вевза авторитет лаьцна Новосибирскехь экономикан зуламашца къийсам латочу урхаллан а, Росгвардин а белхахоша. Lenta.Ru ресурсо бина и хаам. Дийцарехь, 36 шо долу Нохчийчуьра вахархо стохка Дечкен-баттахь дуьйнна оцу регионехь вехаш хилла, къуйшна тIехь Iуналла а деш. Байна дуьхьал бехктакхаман гIуллакх гIаттийнера, цо криминалитетан тIегIанашкахь лаккхара "дарж" шена тIеэцарна. Хьалха а таIазр лайна ву иза бандиталла а, талораш а лелорна. Хьалхо итта хаамашкахь дийцира... Читать дальше...
Къилбаседа Кавказехь яхначу буса – дийнахь велла коронавирусан уьнах 32 дархо, вирус къаьстина кхин а 1 170 стагаца. Оперативан штабан зерашца, Краснодаран кIоштахь велла COVID-19 уьнах 15 дархо, Ставрополан махкхаь – ворхI, Дагестанехь а, ГIалмакхойчохь а кхоккха, ГIебарта-Балкхаройчохь шишша, ГIалгIайчохь а, Нохчийчохь а цхьацца кхелхина. Вериг а Къилбаседа Кавказехь пандеми яьржичхьана кхелхина уьнах 6 197 дархо. ТIаьххьарчу 24 сахьтехь хIоттийначу статистикаца, кхаьсттина дукха бу вирус кхетта нах Ставрополан махкахь – 240 стаг. Читать дальше...
Кху деношкахь 25 шо кхечи нохчийн тIемалой Дагестанерчу Кизляр гIала чу а бахана, цигахь тIемаш бина. Уггар а алсам цIий Iанийначу дарех лоруш ду Нохчийчохь хьалхара тIом боьдучу хенахь дина и тIелатар. 1996-чу шеран Дечкен-беттан 9-чохь Радуев Салмана а, Исрапилов ХункIар-Пашас а буьйралла ден тIемалой Кизляре чубахара, закъалтхой а лоьцуш. Дечкен-беттан 18-чу дийне кхаччалц Iийра уьш Дагестанехь. Оцу тIеман тасадаларшкахь Кизляран кIоштарчу Первомайское олучу эвлахь вийра 70 стаг, бIеннал а сов нахана чевнаш йира. Читать дальше...
Къилбаседа Кавказан Федералан гонашкарчу регионашкахь байначу беттан тIаьххьарчу дийнера Дечкен-беттан 10-чу дийне кхаччалц 9 252 стагца къаьстина коронавирусан инфекци. «Стопкоронавирус.рф» официалан ресурсо бина цунах хаам, яздо РБК агенталло. Ставрпополан кIоштахь 2 675 вахархо билгалваьлла ун долуш, Дагестанехь - 1 744, Нохчийчохь - 1 093, ГIебарта-Балкхаройчохь - 1 092, ГIалгIайчохь - 784, Кхарачой-Чергазийчохь - 939, Къилбаседа ХIирийчохь - 925 стаг. Верриг а Къилбаседа Кавказан Федералан... Читать дальше...
