Соьлж-ГIалахь динчу тIелатарехь вийначу полисхочун гергарчара дIахьедина, шайн вийначух шаьш чIир оьцур хиларх; баккхийчу нахана юха а изоляцин раж юкъаяьккхина Нохчийчохь; интернетехь гоьяллачу видео тIехь Соьлж-ГIалахь йоьдучу штурмах бегашца комментареш йинарг схьакарийна
Шаьш шайх пачхьалкх кхайкхийначу Къилба ХIирийчохь Джабиев Иналан гергарчара хIоттийна ханйоцу протест юкъах ца яьккхира керлачу шеран буса а цхьана. Джабиевн кхалхар бакъонца листар тIедожийнера Цхинвалан йоккхачу майданахь гулбеллачу наха. Милцоша хеттарш динчул тIаьхьа кху аьхка велира Джабиев. Протестхой тешна бу, тIехь къизаллаш лелийна, иза вийна хир ву аьлла. Талламчийн версица, "цIеххьана даге лазар иккхина" велла ву иза. Ткъа экспертизано гайтина йолу цуьнан дегIа тIера Iазапаш лелийна... Читать дальше...
Нохчийчоьнан шахьарахь динчу тIелатарехь вийначу полисхочуьнгахь Джабраилов Мохьмадехь шеца герз а ца хиллера, корматалла шаръян елла хан чекхъяланза хиларна. ТIелеттачо 12 чов йина хилла цунна уьрсаца. Нохчийн пачхьалкхан "Грозный" телеканалан директоро Ахмадов Чингиза бовзийтина и керла хаамаш. Инстаграме яьккхинчу шен видео тIехь Ахмадовс бехк боккху доцург дийциначаьргара, хиллачух йолчу официалан версех шеконаш хиллачу нахера. Роликан чакхенехь гойту тIелатар дина меттиг а. Карладоккху, байначу... Читать дальше...
ТIаьххьарчу дийнахь-буса Къилбаседа Кавказехь коронавирусан уьнах велла 30 стаг, вирус къаьстина кхин а 1 161 стагаца. Оперативан штабан информацица, Краснодаран кIоштахь велла 16 дархо, Ставрополан махкахь кхелхина ворхI, Дагестанехь пхиъ, ГIалгIайчохь а, Нохчийчохь а шишша стаг велла. Верриг а Къилбаседа Кавказехь пандеми юкъаяьлчхьана велла 5 892 COVID-19 вирус йолу дархо. Къаьсттина дукха бу ун даьлларш тIаьххьарчу хьесапашца Ставрополан махкахь - 248 стаг. Ставрополан мохк+ 248 (35 325 ву... Читать дальше...
Гоьяллачу видео тIехь 1994-чу шеран ГIуран-беттан 31-чохь Соьлж-ГIалахь йоьдучу штурмах бегашца комментареш йинарг схьакарийна Нохчийчохь журналисташна. Иза ву, оцу заманчохь 20 шо хилла Алиев Эдгар. "Кхо сахьт дисна Керла шо тIекхача. ГIала яккха гIерта, цкъа схьайоккху гIала, юха ца йоккху, карайогIу, юхало- кхетар а вац. ХIара дерриг а ма кIордийна", - боху видео тIехь жимчу стага. Лелхийтарш "Керлачу шеран салюташ" ю боху цо. "Чечня Сегодня" агенталле видеон турпалхочо дийцарехь, нохчийн... Читать дальше...
65 шарал тIехбевллачу нахана юха а изоляцин раж юкъаяьккхина Нохчийчохь. Карарчу беттан 17-чу дийне кхаччалц ларбан дезар ду цуьнан барамаш. Изоляцин раж карлайоккхучу омрана куьйгъяздина мехкан куьйгалхочо Кадыров Рамзана. 65 шаре бевлла нах боцурш а, карантин хьакхалур ю цадоьрзу лазарш шайца долчу нахах а цхьана аьлла, хааме даьккхина "Грозный" телеканало. Коронавирус яржарца динамика лахара ю аьлла, ГIалмакхойчоьнца а, Москваца а цхьана цIе яьккхира Лахьан-баттахь Нохчийчоьнан. Оцу юкъанна... Читать дальше...
Соьлж-ГIалахь динчу тIелатарехь вийначу полицин сержантан Джабраилов Мохьмадан гергарчара селхана, еарин дийнахь, БугIан-Юьртахь дIахьедина шайн вийначух шаьш чIир оьцур хиларх. Оцу кепара бистхилла уьш ГIалгIайчуьрчу СултыговгIеран а, ТимурзиевгIеран а цIийнах болчу нахе. Байначу беттан 28-чохь Соьлж-ГIалахь шина стага тIелатар динера проспектехь ха латточу шина полисхочунна. Оцу инцидентехь вийра полицин лахара сержант, 22 шо долу Джабраилов Мохьмад. Цуьнца цхьана хиллачунна чевнаш йира. Иштта, вийра тIелетта шиъ а. Читать дальше...
Соьлж-ГIалахь полисхошна дина тIелатар шена тIелаьцна "Исламан пачхьалкх шех олучу тобано аьлла, хаамбина Reuters агенталло. ДаIишхошца йоьзначу хьастана Al-Naba газетана тIетевжина уьш шайн информацехь. Дахначу оршотан дийнахь Соьлж-ГIалахь хилира юьйцу инцидент. Арсашца волу ши стаг полисхошкара герз даккха гIоьртинера. Оцу зуламехь вийра полицин цхьа белхало, шолгIачунна чевнаш йира. ТIелеттарш хIаллакбира. Нохчийчоьнан куьйгалхочо Кадыров Рамзана дIахьедарца, тIелетта шиъ хиллера ГIалгIайчуьра веана ТимурзиевгIеран ши ваша Хьасан а... Читать дальше...
