Serie A`da öz yerini qorumaq uğrunda mübarizə davam etdiyi vaxtda, növbəti mövsüm İtaliya futbol liqasının ali divizionunda çıxış edəcək daha bir klubun adı məlum olub. ONBİR Sports.ru`ya istinadən xəbər verir ki, Serie B`nin bitməsinə 7 tur qalmış, Filippo Inzaghi`nin başçılıq etdiyi Benevento klubu çempionluğunu rəsmiləşdirərək, tarixində ikinci dəfə Serie A`ya vəsiqə qazanıb (ilk dəfə bu, 2016/2017 mövsümündə baş vermişdi). Pippo`nun komandası 31 matçda 76 xal toplayaraq, turnirin rekordunu vurub.
Beləliklə, 2020/2021 mövsümündə Serie A tamaşaçılarını iki qardaş derbisi gözləyir: Lazio`nun baş məşqçisi Simone Inzaghi və onun Benevento`dan olan kolleqası Filippo Inzaghi. İki qardaş futbolçu karyeraları boyu heç vaxt bir klubda oynamayıblar, İtaliya milli komandasının heyətində isə cəmisi bir matçda eyni vaxtda çıxış ediblər. Məşqçi karyeralarında isə Inzaghi qardaşları artıq bir dəfə qarşılaşıblar: 2018-ci ilin dekabrında Filippo`nun başçılıq etdiyi Bologna Simone`nin Lazio`suna 0:2 hesabı ilə məğlub olub.
