Пәһлеваннар янә Балык Бистәсендә
Каз. Чаллы авылының “Чүк” бәйрәме республиканың шактый көрәшче пәһлеваннарын үзенә җыйды.
Раил һәм Рифат Нургалиевлар, Фирдүс Зәйнуллин, Фәрхәт Фәйзуллин, Дамир Адиятуллин, Самат Каюмов, Алексей Козин кебек республика, дөньякүләм танылган көрәшчеләрнең бил алышуын тамаша кылу насыйп булды бу көнне бәйрәм кунакларына.
Бәйгенең финал өлешендә (җиңүчене очкосыз чиста аркага салу юлы белән билгеләү шартында) Яшел Үзән районы көрәшчесе Фирдүс Зәйнуллин белән Питрәчтән Фәрхәт Фәйзуллин бил алыштылар. Чиста егу Фирдүскә җиңү китерде. Ә дөнья чемпионы Раил Нургалиев өченче урында калды.
Фотосы: vksport.ru