Қазақстан құрамасының Әлем чемпионаты алдындағы соңғы матчін қайдан көруге болады?
Ойын Дебрецендегі (Венгрия) "Надьердеи" стадионында өтеді және Қазақстан уақытымен 22:00-де басталады.
Айта кетейік, Мажарстан да, Қазақстан да АҚШ, Мексика және Канадада өтетін 2026 жылғы әлем чемпионатының қатысушылары қатарына енген жоқ. Турнир 11 маусымда басталады.
Бұл жолдастық кездесу командалар үшін келесі күзде Ұлттар лигасы басталғанға дейінгі соңғы ойын болмақ.
Мажарстан - Қазақстан: тікелей трансляция
Мажарстан мен Қазақстан арасындағы кездесуді Qazsport, сонымен қатар телеарна сайты тікелей эфирде көрсетеді. Трансляция 21:50-де басталады.
Еске сала кетейік, жазғы жиындар аясындағы алғашқы жолдастық матчте Қазақстан құрамасы Армения командасымен тең ойнаған болатын (1:1).
Instagram-дағы бұл жарияланымды көру
Қазақстан ұлттық футбол құрамасының жарияланымы (@kff_team)
Бұған дейін Өзбекстан құрамасының бас бапкері, италиялық Фабио Каннаваро өз командасының футболдан әлем чемпионатын жеңе алмайтынын мәлімдеді.
Ал мадридтік "Реал" мен Франция құрамасының көшбасшысы Килиан Мбаппе командаға мундиальға қатысты мақсат қойды.