Төнлә Казанда Гудованцев урамында бишенче каттагы фатирда янгын чыккан.
Янгын сүндерүчеләр килгәнче подъезддан мөстәкыйль рәвештә 20 кеше чыккан.
Сулыш алу битлеге ярдәмендә янгын сүндерүчеләр күрше фатирдан алты яшьлек малайны коткарган, ә янган бүлмәдә ир-атны тапканнар, аны алып чыгып ашыгыч ярдәм бригадасына тапшырганнар.
Фатирның 46 яшьлек хуҗасын коткарып кала алмаганнар.
«Татар-информ» га Россия гадәттән тыш хәлләр министрлыгының ТР буенча Баш идарәсендә хәбәр итүләренчә, янгынның сәбәбе – тәмәке тартканда саксызлык.
