Russiýanyň prezidenti Wladimir Putin we Türkiýäniň prezidenti Rejep Taýyp Erdogan Siriýanyň demirgazygyndaky gapma-garşylyklary diplomatiýa esasynda çözmegiň zerurdygyny nygtady.
Iki lider 3-nji dekabrda geçirilen telefon söhbetdeşliginde söweş hereketleriniň gaýtadan başlanmagyny ara alyp maslahatlaşdy.
Erdoganyň edarasynyň telefon söhbetdeşliginden soň çap eden beýanatynda aýdylmagyna görä, "Prezident Erdogan, Türkiýe Siriýanyň territorial bitewiligini goldamagyny dowam etdirýän hem bolsa, Ankara Siriýada adalatyň we durnukly ýagdaýyň ýola goýulmagyna hem ymtylýar” diýdi.
Erdoganyň sözlerine görä, Türkiye Türkiýede gadagan edilen, Türkiýe we ABŞ tarapyndan terror guramasy diýlip ykrar edilen Kürdüstan Işçiler partiýasyna (PKK) garşy tutanýerli göreşmegini dowam etdirer.
Erdogan bilen Putiniň arasyndaky söhbetdeşlik siriýaly gozgalaňçylar geçen hepde Aleppony (Halaby) basyp alyp, hökümet güýçlerine garşy hüjümlerini dowam etdirýän wagtynda geçirildi.
Gozgalaňçylar 3-nji dekabrda ýurduň uly şäherleriniň biri Hama golaýlady diýip, Siriýanyň Adam hukuklary obserwatoriýasy we gozgalaňçylar habar berdi.
