რუსეთში თეატრის რეჟისორს რვა წლით მიესაჯა პატიმრობა პუტინის საწინააღმდეგო პოსტების გამო
14 ნოემბერს მოსამართლე ანდრეი პლუჟნიკოვმა ბერეჟინსკაია დამნაშავედ ცნო "ტერორიზმის გამართლებაში", "რუსეთის არმიის შესახებ ყალბი ინფორმაციის გავრცელებასა" და "რუსეთის შეიარაღებული ძალების დისკრედიტაციაში".
პროკურორები ბერეჟინსკაიასთვის ათწლიან პატიმრობას ითხოვდნენ.
43 წლის ბერეჟინსკაიამ - რომელმაც უარი განაცხადა სასამართლოსთვის ჩვენების მიცემაზე - თავი ნაწილობრივ დამნაშავედ ცნო. სასამართლოზე ბოლო განცხადების გაკეთებისას რეჟისორმა მოსამართლეს უთხრა: "თქვენო აღმატებულებავ, მე არაფერი მაქვს სათქმელი, არაფერი მაქვს დასამატებელი. მივიღებ თქვენს ნებისმიერ გადაწყვეტილებას".