ԱԺ նախագահ Ալեն Սիմոնյանն` ընդդեմ լրագրող Անժելա Թովմասյանի, գործով դատական նիստին հայցվոր կողմն այսօր չէր ներկայացել: Թովմասյանի ներկայացուցիչ Հայկ Ալումյանը լրագրողների հետ զրույցում ասաց, որ նախորդ դատական նիստին հայցվոր կողմը միջնորդել էր հետաձգել նիստը, իրենք չէին առարկել:
«Այս նիստին հայցվոր կողմը պարզապես չէր ներկայացել: Եթե հաջորդ նիստին էլ չներկայանան, ապա դատարանը պետք է առանց քննության թողնի Ալեն Սիմոնյանի հայցը»,- ասաց նա:
Հարցին՝ ինչու է հայցվոր կողմը դեմ, որպեսզի դատական նիստերը լուսաբանվեն, Ալումյանն ասաց.
«Հավանաբար իրենք հասկանում են, որ այս գործի շրջանակներում այնքան էլ շահեկան վիճակում չեն՝ առվազն հանրային ընկալման տեսանկյունից»:
