На нацыянальным прававым інтэрнэт-партале Рэспублікі Беларусь з’явіўся праект закона аб амністыі, які меркавалася прыняць да «дня народнага адзінства» 17 верасня.
«Наша Ніва», спасылаючыся на меркаванне ананімнага праваабаронцы, сцвярджае, што палітвязняў гэты закон «калі і закране, то зусім нязначна».У прыватнасці, артыкул 10 законапраекта пералічвае артыкулы, асуджаныя па якіх пад амністыю не трапляюць. У пераліку прысутнічаюць усе папулярныя артыкулы, па якіх у Беларусі асуджаюць «за палітыку».
У законапраекце таксама агаворана, што не будуць вызваляцца асобы, якія маюць дачыненне да «экстрэмісцкай дзейнасці» і тыя, хто «злосна парушае ўсталяваны парадак падчас адбывання пакарання ці іншых мераў крымінальнай адказнасці». Гэтая засцярога, як мяркуецца, яшчэ больш абмяжоўвае шанцы палітвязняў падпасці пад амністыю.
Artykuł У Беларусі апублікавалі праект закона аб амністыі pochodzi z serwisu БЕЛАРУСКАЕ РАДЫЁ РАЦЫЯ.
