Кичә “Бердәм Россия” сәяси партиясе Зәй җирле бүлеге политсоветы утырышы булды. Көн тәртибендә биш мәсьәлә каралды. Бөек Җиңүгә 70 ел тулу уңаеннан партиянең җирле бүлеге үткәрәчәк чараларны, сугыш һәм тыл ветераннарына партия тарафыннан үзенчәлекле бүләкләр ясау тәртибе тикшерелде. Утырышта район башкарма комитеты җитәкчесе урынбасары Светлана Иванова “ Җиңүчеләргә-чәчәкләр” социаль-гуманитар пректын тормышка ашыру тәкъдиме белән чыкты. Ул бертавыштан кабул ителеп, 27 апрельдән 8 майга кадәр тормышка ашырылачак. Монда укучылар, өлкәннәр дә катнаша ала. Үзең үстергән гөлләрне ветераннарыбызга бүләк итү дә күздә тотыла. Гөлләрнең савытлары матур булсын өчен аларны мәктәпләрдә хезмәт дәресләрендә бизәү планлаштырылган.