Հայ շախմատիստների փայլուն հաղթանակով ավարտվել է Ռիգայի տեխնիկական համալսարանի գավաթի 8-րդ խաղարկությունը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
Հայաստանի ազգային հավաքականի անդամ, գրոսմայստեր Ռոբերտ Հովհաննիսյանը և գրոսմայստեր Մանուէլ Պետրոսյանը 9 հնարավորից վաստակել են 7,5-ական միավոր և կիսել են 1-2-րդ հորիզոնականները:
Լրացուցիչ ցուցանիշների հաշվարկից հետո մրցաշարի հաղթող է դարձել Հովհաննիսյանը, իսկ Պետրոսյանը արժանացել է արծաթե մեդալի:
Մրցաշարում մեր 3-րդ պատվիրակ Սամվել Տեր-Սահակյանը, ով մրցաշարի մեծ մասն ընթանում էր առաջատարների խմբում, վերջնամասում երկու պարտություն է կրել և գրավել միայն 23-րդ հորիզոնականը:
