Мәгълүм булганча 14 февраль дөнья буенча Халыкара китап бүләк итү көне буларак билгеләп үтелә. Бу ирекле башлангыч өлкәннәр һәм балалар арасында китапка карата кызыксынуны арттыру ниятеннән булдырылган. Бу уңайдан районның үзәк китап йорты үз укучыларына бүләк ясады – аларны бик яхшы китаплар белән сөендерде. Алар “Энергетик” Мәдәният йорты хезмәткәрләренә дә популяр басмалар җыелмасы бүләк итте. Мәдәният хезмәткәрләре дә җавапсыз калмады – китапханәгә “Сто великих тайн России” дигән китап тапшырды.
Китап гомер-гомергә иң яхшы бүләк саналган. Киләчәктә дә бу традиция югалмас, шәт.