Հոլանդացի մասնագետ Կլարենս Զեդորֆը գլխավորել է «Դեպորտիվոն»: Այդ մասին հաղորդում է իսպանական ակումբի պաշտոնական կայքը:
41-ամյա մասնագետն իսպանական ակումբի հետ պայմանագիր է կնքել, որի ժամկետը նախատեսված է մինչև ընթացիկ մրցաշրջանի ավարտը: Զեդորֆի օգնականը կլինի Վալերիո Ֆիորին:
Նշենք, որ նախկինում Զեդորֆը գլխավորել է իտալական «Միլանը» և չինական «Շենչժեն Ռուբին»:
Հավելենք, որ «Դեպորտիվոն» զբաղեցնում է Լա լիգայի մրցաշարային աղյուսակի 18-րդ հորիզոնականը: