რუსეთის ოპოზიციის ერთ-ერთმა ლიდერმა, ალექსეი ნავალნიმ განაცხადა, რომ 5 თებერვალს დილით, მის ბინაში მივიდნენ პოლიციის თანამშრომლები. ნავალნიმ ტვიტერზე დაწერა, პოლიციელებმა გადასცეს საგამოძიებო კომიტეტში დაკითხვაზე გამოცხადების ორი უწყება. ოპოზიციონერი პოლიტიკოსის ინფორმაციით, მიმდინარეობს შემოწმება საქმეზე, რომლის თანახმად, მან დაკავებისას პოლიციელებს სცემა. ალექსეი ნავალნი სამართალდამცავებმა 28 იანვარს, მოსკოვში დააკავეს მის მიერ ორგანიზებული საპროტესტო აქციის, „ამომრჩეველთა გაფიცვის“ მიმდინარეობისას.