Британскиот министер задолжен за Брегзит Дејвид Дејвис денеска во Лондон ќе го прими европскиот преговарач Мишел Барније за продолжување на преговорите за излегување на Британија од членство во Европската унија. Тоа ќе биде прв состанок на двајцата претставници во Лондон. Поранешните состаноци се одвиваа во Брисел. Новата рунда преговори за Брегзитот официјално ќе биде одржана на 6 и 9 овој месец во Брисел. Се очекува двете страни да минат на втората фаза преговори која се однесува на нивните натамошни трговски односи. Британија би требало кон крајот на март идната година да излезе од ЕУ.